Քաղաքականություն
18.12.2018 | 13:24
Hraparak.am-ը հղում անելով իրենց տեղեկություններին գրել էր, որ «Իմ քայլը» դաշինքի խմբակցության ղեկավարի պաշտոնը կզբաղեցնի մշակույթի նախարար Լիլիթ Մակունցը։
Տեղեկությունը փորձեցինք ճշտել «Իմ քայլը» դաշինքի խոսնակ Վահան Կոստանյանից, որը ո՛չ հաստատեց, ո՛չ հերքեց լուրը:
«Քննարկումները դեռևս շարունակվում են, որևէ հստակ որոշում այս պահին չկա»,- ասաց նա։
Հարցին՝ առաջիկա օրերին սպասե՞լ որևէ հայտարարության, թե՝ ոչ, Կոստանյանը պատասխանեց, որ դա էլ դեռ պարզ չէ, քննարկումները դեռ չեն ավարտվել։
Այնուամենայնիվ, Factor.am-ի տեղեկություններով, Լիլիթ Մակունցի հարցում արդեն կա վերջնական որոշում։
Լիլիթ Շաբոյան
