03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Օլիմպիական փառատոն. Հայաստանի մարզիկներն ավարտել են մրցելույթները
28.07.2017 | 13:52
Հունգարիայի Գյոռ քաղաքում ընթացող Եվրոպական պատանեկան օլիմպիական փառատոնում Հայաստանի մարզիկներն ավարտել են իրենց մրցելույթները։ Այս մասին հայտնում է ՀԱՕԿ-ի պաշտոնական կայքը:
Մրցումային վերջին օրը թենիսիստ Արթուր Սողոյանին չի հաջողվել քառորդ եզրափակչում հաղթել Լեհաստանի ներկայացուցչին։
Ձյուդոյիստ Սամվել Գևորգյանն առաջին գոտեմարտում հաղթել է լիտվացի Էդվարդաս Սագալեսին, սակայն երկրորդում զիջել է թուրք Մուհամետ Կոսին և դուրս է մնացել հետագա պայքարից։
Լողորդ Արթուր Բարսեղյանը 100 մ ազատ ոճում 52.07 արդյունքով 9-րդն էր։ Նա չի անցել եզրափակիչ, սակայն Հայաստանի պատանիների նոր ռեկորդ է սահմանել։
Լողի աղջիկների 50 մ ազատ ոճ մրցաձևում Վարսենիկ Մանուչարյանը 28.15 արդյունքով չի հաղթահարել որակավորման փուլը։
Խմբակային մրցավազքում հեծանվորդներ Ամու Ասուբովը, Հովհաննես և Հենրիկ Երանոսյաններն անհաջող են հանդես եկել:
