Համաշխարհային ճանաչում ունեցող առնվազն 2 կատարողների համերգ կլինի ՀՀ-ում. մրցույթներ են հայտարարվել․ ՏԵՍԱՆՅՈՒԹ

Լուրեր

19.11.2026 | 12:04
Ձեզ արձագանքի արժանացնելը մեծ պատիվ կլինի, Դուք էդ պատվին չեք արժանացել․ նախարարը՝ Էդգար Ղազարյանին․ ՏԵՍԱՆՅՈՒԹ
19.11.2026 | 11:55
Սահմանադրության փոփոխությունների հաջորդ օրը խաղաղության պայմանագիրը ստորագրվելու է. Ալեն Սիմոնյան․ ՏԵՍԱՆՅՈՒԹ
19.11.2026 | 11:51
Համաշխարհային ճանաչում ունեցող առնվազն 2 կատարողների համերգ կլինի ՀՀ-ում. մրցույթներ են հայտարարվել․ ՏԵՍԱՆՅՈՒԹ
19.11.2026 | 11:39
Հաջորդ ընտրությանը չեմ լինի վարչապետի թեկնածու, եթե հանրաքվեում Սահմանադրությունն անցնի․ Փաշինյան․ ՏԵՍԱՆՅՈՒԹ
19.11.2026 | 11:39
Ուկրաինայի ԶՈՒ-ն անուղղակիորեն հայտնել է Ղրիմի կամրջի երկաթուղային հատվածի ավերվելու մասին
19.11.2026 | 11:30
Հայաստանը հրավիրվել է մասնակցելու ԱՄՆ-ում կայանալիք G20-ի գագաթնաժողովին
19.11.2026 | 11:22
Հաջորդ ամիս այցելելու եմ Ադրբեջան. Ալեն Սիմոնյան․ ՏԵՍԱՆՅՈՒԹ
19.11.2026 | 11:14
Ամփոփիչ մրցաշար. Ալկարասը և Տիաֆոն հաղթել են. ՏԵՍԱՆՅՈՒԹ
19.11.2026 | 11:11
Անհետ կորածների վերաբերյալ մեզ հետաքրքրող բազմաթիվ հարցերի պատասխաններն Ադրբեջանում են․ Փաշինյան
19.11.2026 | 11:05
Սի Ցզինպինի հետ հանդիպմանը Թրամփը բարձր է գնահատել իրենց անձնական հարաբերությունները
19.11.2026 | 11:00
Կառավարության նիստը՝ ՈՒՂԻՂ
19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
Բոլորը

Ազգային ժողովում բյուջետային քննարկումների ընթացքում ՀՀ կրթության, գիտության, մշակույթի և սպորտի նախարար Ժաննա Անդրեասյանը խոսեց առաջիկա տարիներին նախատեսվող կրթական, մարզական և մշակութային խոշոր ծրագրերի մասին։

Անդրադառնալով մշակութային խոշոր միջոցառումներին՝ Անդրեասյանն ասաց, որ Հայաստանը նախատեսում է հյուրընկալել համաշխարհային ճանաչում ունեցող առնվազն երկու կատարողի։ Նրա խոսքով՝ համերգների կազմակերպման համար արդեն մրցույթ է հայտարարվել։

Նախարարը նշեց, որ միջազգային միջոցառումների կազմակերպման համար նախատեսվում է հատկացնել ավելի քան 5 միլիարդ դրամ։ Անդրեասյանի խոսքով՝ նման միջոցառումները կարևոր են Հայաստանի միջազգային ճանաչելիության բարձրացման, զբոսաշրջության զարգացման և տնտեսության վրա դրական ազդեցություն ունենալու տեսանկյունից։
Ժաննա Անդրեասյանն անդրադարձավ նաև 2027 թվականին Հայաստանում անցկացվելիք Ֆրանկոֆոնիայի 10-րդ միջազգային մարզամշակութային խաղերին։ Նա ասաց, որ նախատեսվում է շուրջ 50 երկրից ավելի քան 4000 մասնակցի ներկայություն։ Նախարարը նաև նշեց, որ Հայաստանում կանցկացվեն աշխարհի և Եվրոպայի վեց խոշոր առաջնություններ։

Խոսելով Ֆրանկոֆոնիայի խաղերի նախապատրաստական աշխատանքների մասին՝ Անդրեասյանն ասաց, որ ամբողջությամբ վերականգնվում և միջազգային չափանիշներին է համապատասխանեցվում «Հրազդան» ստադիոնի աթլետիկական ենթակառուցվածքը։

Նախարարն անդրադարձավ նաև մարզական ենթակառուցվածքների զարգացմանը։ Նա ասաց, որ նախատեսվում է Վանաձորում կառուցել ավելի քան 10 հազար հանդիսական տեղավորող ստադիոն, նոր ստադիոն՝ Իջևանում, ինչպես նաև արդիականացնել Կապանի ստադիոնը։

Անդրեասյանը նշեց, որ այս ծրագրերը ֆուտբոլի զարգացման նոր հնարավորություններ կստեղծեն, այդ թվում՝ 2029 թվականին աշխարհի մինչև 20 տարեկանների առաջնությունը հյուրընկալելու համար։

Խոսելով կրթական ենթակառուցվածքներից՝ նախարարը հայտնեց, որ Ակադեմիական քաղաքում մեկնարկում է 3600 ուսանողական կացարանների կառուցումը։

Ժաննա Անդրեասյանն անդրադարձավ նաև պատմամշակութային հուշարձանների վերականգնմանը։ Նա ասաց, որ այդ նպատակով հատկացվող բյուջեն 213 միլիոն դրամից ավելացել է՝ հասնելով 1 միլիարդ 790 միլիոն դրամի։

Մանրամասները՝ տեսանյութում։

Եվգենյա Համբարձումյան