11.11.2026 | 15:10
ՔՊ-ն Եղեգնաձորում զիջեց «Հանրապետությանը» // Բողոքի նամակ ԵՄ-ին՝ Արսեն Գևորգյանի մահվան հետ կապված․ ԼՈՒՐԵՐ
ԱՄՆ-ՌԴ-Ուկրաինա բանակցություններն Աբու Դաբիում ավարտվել են․ ԶԼՄ-ներ
Քաղաքականություն
11.11.2026 | 14:42
Աբու Դաբիում Ուկրաինայի հարցով կարգավորման շուրջ եռակողմ բանակցություններն ավարտվել են։ Առաջիկայում ՌԴ պատվիրակության ներկայացուցիչները մամուլի ասուլիսով կամփոփեն դրանց արդյունքները։
«Բանակցություններն ավարտվել են»,- «Ինտերֆաքս»-ին հայտնել է բանակցային խմբի աղբյուրը։
Ռուսական ՏԱՍՍ գործակալությունը ևս հայտնում է, որ եռակողմ բանակցությունների երկրորդ օրն ավարտվել է։
Ուկրաինական կողմը դեռևս չի հայտնել բանակցությունների ավարտի մասին։ Դրանք նախատեսված էր անցկացնել նոյեմբերի 10-11-ը։
Ռուսաստանի, ԱՄՆ-ի և Ուկրաինայի ներկայացուցիչների մասնակցությամբ բանակցությունները Աբու Դաբիում շարունակվել են երկու օր և անցկացվել մամուլի համար փակ ռեժիմով։ Երկրորդ օրը կողմերը բանակցել են շուրջ մեկուկես ժամ։ Առաջին օրը հանդիպումը տևել էր շուրջ չորս ժամ։
Եթե առաջին օրը մամուլի համար նախատեսված էր հանդիպման բաց՝ արարողակարգային հատված, ապա երկրորդ օրը ԶԼՄ-ների ներկայացուցիչների մուտքը բանակցություններին չեն թույլատրել։
Թարգմանությունը՝ Էմմա Չոբանյանի
