03.11.2026 | 19:15
Հարավային Կորեան և Թուրքիան պայմանավորվել են խորացնել համագործակցությունը միջուկային էներգետիկայի և պաշտպանության ոլորտներում
Ալինա Չարաևան մեծ առաջընթաց է գրանցել WTA-ի դասակարգման աղյուսակում
02.11.2026 | 13:10
Հայաստանի ներկայացուցիչ Ալինա Չարաևան Կանանց թենիսի ասոցիացիայի (WTA) դասակարգման ցուցակում առաջադիմել է 18 աստիճան ու զբաղեցնում է 82-րդ տեղը: Դա ռեկորդային ցուցանիշ է Հայաստանի համար:
Անցյալ շաբաթ 24-ամյա թենիսիստը հաղթողի տիտղոսն էր նվաճել Իտալիայի Կուրմայոր քաղաքում կայացած WTA 125 շարքի մրցաշարում, որտեղ տարել էր 5 հաղթանակ:
Հայաստանի մեկ այլ ներկայացուցիչ Էլինա Ավանեսյանը նահանջել է չորս աստիճան ու զբաղեցնում է 149-րդ տեղը:
WTA-ի վարկանիշային ցուցակի անփոփոխ առաջատարը Ղազախստանը ներկայացնող Ելենա Ռիբակինան, որին հաջորդում են բելառուս Արինա Սաբալենկան ու ռուս Միրա Անդրեևան: Լավագույն տասնյակում են նաև Կորի Գաուֆը (ԱՄՆ), Ջեսիկա Պեգուլան (ԱՄՆ), Էլինա Սվիտոլինան (Ուկրաինա), Կարոլինա Մուխովան (Չեխիա), Լինդա Նոսկովան (Չեխիա), Իգա Շվյոնտեկը (Լեհաստան) և Մարտա Կոստյուկը (Ուկրաինա):
Դավիթ Եղիազարյան
