23.10.2026 | 12:14
Դնեպրոպետրովսկի և Սումիի վրա ռուսական հարձակումների հետևանքով չորս մարդ է տուժել
Արման Ծառուկյանը հարձակվել է Դիլոն Դենիսի վրա. ՏԵՍԱՆՅՈՒԹ
23.10.2026 | 10:10
RAF (Real American Freestyle) ազատ ոճի ըմբշամարտի լիգայի հերթական մրցաշարից առաջ սկանդալային միջադեպ է տեղի ունեցել ասուլիսի ժամանակ:
UFC-ի թեթև քաշային կարգի դասակարգման երկրորդ համար Արման Ծառուկյանը հարձակվել է իր առաջիկա մրցակցի՝ ամերիկացի Դիլոն Դենիսի վրա: Կրքերը թեժացել են այն բանից հետո, երբ Դենիսին հարցրել են, թե ինչ լուսանկար է իր շապիկի վրա: Ամերիկացին ցուցադրել է շապիկը, որի վրա վիրավորական արտահայտություն է գրված եղել Արման Ծառուկյանի ընկերոջ՝ UFC-ի մարտիկ Խամզատ Չիմաևի հասցեին: Բախմանը միջամտել են անվտանգության աշխատակցները՝ թույլ չտալով, որ մարտիկները կռվի բռնվեն:
Արման Ծառուկյանը և Դիլոն Դենիսը կհանդիպեն հոկտեմբերի 25-ին Լաս Վեգասում կայանալիք RAF 14 մրցաշարում:
29-ամյա Ծառուկյանը RAF-ում անցկացրել է 8 մենամարտ, տարել 7 հաղթանակ ու կրել 1 պարտություն: 7 անընդմեջ հաղթանակից հետո հայ մարտիկը նախորդ մենամարտում պարտվել էր UFC-ի նախկին մարտիկ, 38-ամյա ամերիկացի Քոլբի Քովինգթոնին։
33-ամյա Դիլոն Դենիսը խառը մենամարտերի աշխարհում հայտնի է որպես UFC-ի երկու քաշային կարգերում նախկին չեմպիոն Քոնոր Մաքգրեգորի ընկեր։
Դավիթ Եղիազարյան
