13.10.2026 | 15:43
Գրետա Թունբերգը միացել է Ֆրանսիայի դպրոցականների բողոքի ցույցերին՝ համազգային ակցիաներին ընդառաջ
Երևանում ծխախոտի բաց վաճառքի դեպք է հայտնաբերվել․ տնտեսվարողը կենթարկվի պատասխանատվության
Հասարակություն
13.10.2026 | 14:22
Շուկայի վերահսկողության տեսչական մարմինը Երևանի Գայի պողոտայի 16 հասցեում գտնվող առևտրային տաղավարում ծխախոտային արտադրատեսակների բաց վաճառքի դեպք է հայտնաբերել։ Ըստ տեսչական մարմնի՝ «Սամվել Չերքեզյան Գրիգորի» ԱՁ-ն ծխախոտային արտադրատեսակները և դրանց փոխարինիչները վաճառել է օրենքով սահմանված պահանջների խախտմամբ։ Տնտեսվարողը կենթարկվի վարչական պատասխանատվության։
Շուկայի վերահսկողության տեսչական մարմնի հաղորդագրությունը՝ ստորև․
«ՀՀ Շուկայի վերահսկողության տեսչական մարմնի ղեկավարի հրամանով «Սամվել Չերքեզյան Գրիգորի» ԱՁ-ում (հասցե՝ ք․ Երևան, Գայի 16, տաղավար 22) իրականացվել են վերահսկողական գործողություններ։
Պարզվել է, որ Ընկերությունը ծխախոտային արտադրատեսակները, դրանց պատկանելիքները կամ ծխախոտային արտադրատեսակների փոխարինիչները վաճառում է բաց եղանակով՝ Օրենքով սահմանված պահանջների խախտմամբ։
Տնտեսավարող սուբյեկտը կենթարկվի վարչական պատասխանատվության՝ օրենքով սահմանված կարգով»։
