06.10.2026 | 16:08
Դրա մասին վաղ է խոսել․ Ռուբինյանը՝ ադրբեջանցու արտահանձնման հնարավորության մասին․ ՏԵՍԱՆՅՈՒԹ
Աբբաս Արաղչիի իմփիչմենթի հարց է գրանցվել Իրանի խորհրդարանում
Քաղաքականություն
06.10.2026 | 14:57
Իրանի խորհրդարանում գրանցվել է արտաքին գործերի նախարար Աբբաս Արաղչիի իմփիչմենթի վերաբերյալ դիմում։ Այս մասին Tasnim գործակալությանը հայտնել է խորհրդարանի նախագահության անդամ Մոհամմադ Ռաշիդին, գրում են իրանական լրատվամիջոցները։
«Արտաքին գործերի նախարար Արաղչիի իմփիչմենտի հարցը գրանցվել է համակարգում, բայց դեռևս չի ուղարկվել Նախագահությանը; Ինչպես պարզվում է՝ ներկայացուցիչներից մեկը գրանցել է այս հարցումը, սակայն այսօր դեռևս չի ուղարկվել Նախագահությանը»,- ասել է Ռաշիդին։
Իր հերթին, Mehr-ի հետ զրույցում Խորհրդարանական Ասամբլեայի նախագահության անդամ Հոջաթոլեսլամ Ալիռեզա Սալիմին նշել է. «Որոշ ներկայացուցիչներ պահանջում են արտգործնախարարի իմփիչմենթը և իրենց խնդրանքը գրանցել են խորհրդարանում»։
Նա նշել է, որ պարտադիր չէ, որ գրանցումից հետո այն խորհրդարանի նախագահություն ներկայացվի և հանրային նիստի օրակարգում դրվի։
«Պետք է տարբերակել իմփիչմենթի խնդրանքը խորհրդարանում գրանցելու և հանրային նիստի օրակարգում դնելու միջև, և անհրաժեշտ է մեծ ուշադրություն դարձնել այս կետին»,- հայտարարել է նա։
Թարգմանությունը՝ Էմմա Չոբանյանի
