30.09.2026 | 19:46
Տարբերվող՝ չի նշանակում՝ սխալ. ի՞նչ է նեյրոտարբերությունը. ՏԵՍԱՆՅՈՒԹ
Պաշտպանը միջնորդեց մինչև 70 միլիոն դրամ գրավով ազատել Ալիկ Ալեքսանյանին․ Դատախազությունը պահանջեց նրան թողնել կալանքի տակ
Հասարակություն
30.09.2026 | 17:40
Հանրային մեղադրողները միջնորդեցին «Ուժեղ Հայաստան» կուսակցության անդամ Ալիկ Ալեքսանյանի նկատմամբ ընտրված խափանման միջոց կալանքի ժամկետը երկարացնել 3 ամսով: Միջնորդության դեմ, սակայն, առարկեցին գործով պաշտպանները:
Պաշտպան Արշակ Վարդանյանը նշեց, որ գործով 400-ից ավելի վկա կա ներգրավված, որոնցից և ոչ մեկով Ալիկ Ալեքսանյանի մեղադրանքը չի հիմնավորվում: Ավելին, պաշտպանը նշեց, որ իրենք դեմ չեն, որ գործով դատակոչված 400-ն անցնող վկաների ցուցմունքները համարեն հետազոտված, բացառությամբ 3 վկայի ցուցմունքի, որոնք թեև կրկին մեղադրող բնույթ չունեն, այնուամենայնիվ, նրանց հարցեր կան:
Պաշտպանը նաև միջնորդեց Ալիկ Ալեքսանյանի նկատմամբ վարչական հսկողության կիրառել կամ գրավ՝ 55 միլիոն դրամի չափով, իսկ եթե դատարանը համարի, որ դա քիչ է, կարող է մինչև 70 միլիոն դրամով բարձրացնել գրավի չափը:
Արաքս Մամուլյան
