23.09.2026 | 23:23
Վթարվել է Արզական-Քանաքեռ-Զովունի ջրատարը
Ովքեր էին հրավիրվել, ովքեր՝ ոչ․ ընդդիմությունը չի մասնակցել Անկախության օրվա միջոցառմանը
Քաղաքականություն
22.09.2026 | 23:37
Հանրապետության հրապարակում անցկացված Անկախության 35-ամյակի միջոցառմանը ներկա չէին ԱԺ ընդդիմադիր խմբակցությունների պատգամավորները։ Սա արձանագրել է Factor TV-ի տեսախցիկը։
Արդյոք հրավերներ ուղարկվե՞լ էին նաև ԱԺ ընդդիմադիր երկու խմբակցություններին։ Ընդդիմադիր ամենամեծ «Ուժեղ Հայաստան» խմբակցության քարտուղար Տիգրան Աբրահամյանը մեզ փոխանցեց, որ խմբակցության ղեկավար Նարեկ Կարապետյանը հրավեր ստացել է, սակայն իրենք չեն մասնակցել տոնակատարությանը, քանի որ մեկնել էին Տիգրանաշեն։
«Հայաստան» խմբակցության ղեկավար Աննա Գրիգորյանն էլ հայտնեց, որ հրավեր էր ստացել ոչ թե խմբակցությունը, այլ ինքը՝ որպես խմբակցության ղեկավար, սակայն հրաժարվել է մասնակցել։
Նշենք, որ միջոցառմանը ներկա էին վարչապետ Նիկոլ Փաշինյանն ու Աննա Հակոբյանը, նախագահ Վահագն Խաչատուրյանը, ԱԺ նախագահ Ռուբեն Ռուբինյանը, ԱԽ քարտուղար Ալեն Սիմոնյանը, նախարարներ և պետական այլ պաշտոնյաներ։ Ներկա էին նաև ԱԺ ՔՊ խմբակցության գրեթե բոլոր պատգամավորները։
Հիշեցնենք, որ Հանրապետության հրապարակում կայացած միջոցառման համար Կառավարության պահուստային ֆոնդից հատկացվել է 1 միլիարդ 31 միլիոն 453 հազար դրամ կամ մոտ 2 միլիոն 840 հազար դոլար։
Միջոցառումը կազմակերպել էր 2018 թվականի մայիսին հիմնադրված «Բեգրաունդ Փրոդաքշն» ընկերությունը։ Գումարը հատկացվել է որպես ուղիղ դրամաշնորհ՝ առանց մրցույթ հայտարարելու, ինչը ԿԳՄՍ նախարարությունը հիմնավորել է հարցի հրատապությամբ։
Արփի Հակոբյան
