22.09.2026 | 17:44
Հայաստանի ու Մեքսիկայի պատանեկան թիմերում խաղացած ֆուտբոլիստը հրավիրվել է ԱՄՆ-ի Մ-17 հավաքական
Դատախազությունը վիճարկում է Նորաշենիկում 12.1 հա համայնքային հողերի օտարման գործարքները
Հասարակություն
22.09.2026 | 16:19
Սյունիքի մարզի դատախազությունը Հակակոռուպցիոն դատարան է ներկայացրել 5 հայց՝ Կապանի Նորաշենիկ բնակավայրում 2017 թվականին անցկացված աճուրդներով օտարված 9 հողամասերի գործարքները շինծու ճանաչելու և անվավերության հետևանքներ կիրառելու պահանջով։ Խոսքը ընդհանուր 12.13824 հա համայնքային հողի մասին է։ Նույն գործարքների վերաբերյալ քրեական գործով մեղադրվում է 11 անձ։
Դատախազության հաղորդագրությունը՝ ստորև․
Սյունիքի մարզի դատախազությունը, պետական (համայնքային) շահերի պաշտպանության հայց հարուցելու լիազորության շրջանակում, ուսումնասիրել է Կապան համայնքի Նորաշենիկ բնակավայրի ավագանու՝ 2017 թվականի որոշումներով համայնքային սեփականություն հանդիսացող՝ 12,13824 հա մակերեսով 9 հողամասերն օտարելու իրավաչափությունը:
Հիշեցնենք, որ վերոնշյալ հողամասերը ձևական աճուրդ-վաճառքներով օտարելու վերաբերյալ քրեական գործը՝ 11 մեղադրյալների վերաբերյալ, Հակակոռուպցիոն դատարանի վարույթում է:
Հակակոռուպցիոն դատարանում քննվող քրեական գործին զուգահեռ՝ դատախազը 2026 թվականի հուլիս–սեպտեմբեր ամիսներին 9 հողամասերի վերաբերյալ անցկացված աճուրդները որպես շինծու գործարք ճանաչելու և անվավերության հետևանքներ կիրառելու վերաբերյալ պետշահերի 5 հայցադիմում է ներկայացրել Հակակոռուպցիոն դատարան:
Հայցադիմումներն ընդունվել են Հակակոռուպցիոն դատարանի վարույթ. 9 հողամասերի նկատմամբ կիրառվել են հայցի ապահովման միջոցներ։
