Երթ դեպի Եռաբլուր. հարգանքի տուրք է մատուցվել սեպտեմբերի 19-ի զոհերի հիշատակին

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

2023 թվականի սեպտեմբերի 19-ին Ադրբեջանի կողմից Արցախի դեմ սանձազերծված ռազմական ագրեսիայի և հայրենազրկման տարելիցի կապակցությամբ արցախցիները նախաձեռնել են լռության և հիշատակի երթ դեպի «Եռաբլուր» զինվորական պանթեոն:

Մասնակիցները հարգանքի տուրք են մատուցել հայրենիքի պաշտպանության ժամանակ զոհված զինծառայողների հիշատակին։ Պաշտոնական տվյալներով զոհերի թիվը 200 է։ ​

«Արցախի մայրություն» ՀԿ նախագահ Հասմիկ Միքայելյանը վերհիշել է երեք տարի առաջ տեղի ունեցածը և նշել` կարևոր է Արցախի համար զոհվածների հիշատակը վառ պահել․ «Ամսի 19-ին սկսվեցին առաջին պայթյունները Ստեփանակերտի վրա։ Մենք եղել ենք շրջապատված ինը ամիս… Այս երթը ստիպում է մեզ ուժեղանալ, ավելի համախմբվել։ Մենք պարտավոր ենք հիշել մեր տղաների զոհաբերությունը, հերոսությունը, ովքեր զոհվել են մեզ համար։ Բոլոր տղաները, ովքեր զոհվել են 88-ից մինչև այսօր, իմ տղաներն են, մեր տղաներն են… Մենք պարտավոր ենք այսօր երդում տալ նրանց առջև՝ նայելով նրանց աչքերին ասել, որ մենք ձեզ հիշում ենք և մենք շարունակելու ենք այս պայքարը, որովհետև մենք իրավունք ունենք ապրել մեր հայրենի երկրում՝ Արցախում, մեր հողում»:

Արցախի Հանրապետության նախկին պաշտոնյա Անահիտ Հակոբյանի խոսքով` կարևոր է խոսել արցախցիների իրենց տներ վերադարձի իրավունքի մասին․ «Ցավալի փաստ է՝ այսօր Արցախի կորստից հետո արդեն երրորդ տարելիցն է, որ մենք մեր հայրենիքում չենք գտնվում։ Այս օրը՝ սեպտեմբերի 19-ին, Արցախը կամ մեր Լեռնային Ղարաբաղի Հանրապետությունը ենթարկվեց ադրբեջանական ագրեսիային… Մենք զրկվեցինք մեր էթնիկ տարածքներից։ Մեզ կտրել են ամեն ինչից՝ և՛ իրավական դաշտից, և՛ քաղաքական դաշտից, ոչ մի բանակցային սեղանին Հայաստանի Հանրապետության անունից Արցախի վերադարձ կամ Արցախի հարց չի քննարկվում, մենք որոշել ենք մեր հիշատակի տուրքը մատուցել մեր բոլոր արցախյան պատերազմի զոհերին, գլուխ խոնարհել նրանց առջև»:

ԱԺ նախկին պատգամավոր, Արցախի նախագահի նախկին խորհրդական Տիգրան Աբրահամյանն էլ նշել, որ 2023 թվականի սեպտեմբերի 19-ին տեղի ունեցածը ցեղասպանության դրսևորում էր․ «Դա միայն հայերի նկատմամբ իրականացված հարձակում, ագրեսիա կամ ֆիզիկական ոչնչացում չէր, դա բռնագաղթ էր, դա մշակութային, հոգևոր, կրոնական ցեղասպանություն էր։ Գլխավոր երթը, որը նախատեսված է այս օրերին նահատակված մեր հայորդիների ծնողների կողմից, երկու ուղերձ ունի․ առաջինը՝ մշտապես պետք է հիշել բոլոր այն նվիրյալներին, ովքեր հայրենիքի ազատության, անկախության և պաշտպանության համար տվել են ամենաթանկը՝ իրենց կյանքը։ Երկրորդը՝ սա պայքարի մասին է, պայքար՝ չհամակերպվածության և Արցախի ժողովրդի իրավունքների լիարժեք իրացման մասին»։

 

Նարեկ Կիրակոսյան