04.11.2026 | 23:13
Ընդդիմադիրները հավաքվել են քննարկման Սամվել Կարապետյանի տանը. ՏԵՍԱՆՅՈՒԹ
Ռուսական նավն ազդանշանային հրթիռներ է արձակել դանիական ուղղաթիռի ուղղությամբ
Քաղաքականություն
15.09.2026 | 13:50
Երկուշաբթի ռուսական ֆրեգատը Դանիայի ափերի մոտ՝ միջազգային ջրերում, երկու ազդանշանային հրթիռ է արձակել դանիական ռազմական ուղղաթիռի ուղղությամբ։ Այս մասին հայտնել են Դանիայի զինված ուժերի ներկայացուցիչները, գրում է BBC-ի ռուսական ծառայությունը։
Դանիայի զինված ուժերի հրամանատարության հայտարարության համաձայն՝ Fennec ռազմական ուղղաթիռը ռուսական ֆրեգատի պլանային լուսանկարահանման առաջադրանք էր իրականացնում։ Նշվում է, որ ազդանշանային հրթիռներից մեկն անցել է ուղղաթիռի անմիջական հարևանությամբ։
Ազդանշանային հրթիռները սովորաբար օգտագործվում են ծովում՝ նախազգուշացնող ազդանշաններ հաղորդելու համար։
Դանիայի արտաքին գործերի նախարար Լարս Լյոկե Ռասմուսենը միջադեպն անվանել է «անընդունելի» և հայտարարել, որ այն կարող էր սպառնալ մարդկանց կյանքին։
«Դանիան ձգտում է ապահովել բոլոր նավերի՝ դանիական ջրերով խաղաղ անցնելու հնարավորությունը, սակայն Ռուսաստանն աստիճանաբար փոխում է այն սահմանները, թե ինչն է համարում ընդունելի վարքագիծ»,- ասվում է նրա հայտարարության մեջ։
Ռասմուսենը հավելել է, որ կանչել է Դանիայում Ռուսաստանի դեսպանին։ Reuters-ը նշում է, որ Ռուսաստանի դեսպանությունը մեկնաբանության խնդրանքին օպերատիվ կերպով չի պատասխանել։
Թարգմանությունը՝ Էմմա Չոբանյանի
