Քաղաքականություն
12.09.2026 | 17:09
Ֆրանսիայում սեպտեմբերի 11-ի երեկոյան մարդատար գնացքը դուրս է եկել ռելսերից։ Դեպքը տեղի է ունեցել երկրի հյուսիսային հատվածում՝ Կլեոն քաղաքի մերձակայքում։ Այս մասին հայտնում է Meduza-ն։
Գնացքում եղել է ավելի քան 180 ուղևոր։ Վթարի հետևանքով 44 մարդ է տուժել։ Նրանցից մեկը ծանր վիճակում հոսպիտալացվել է, մյուսները ստացել են թեթև վնասվածքներ։
Ոստիկանությունը պաշտոնապես հայտնել է, որ վթարի պատճառը գնացքի՝ անհայտ առարկայի հետ բախումն է։
Միաժամանակ, BFM-ի աղբյուրների փոխանցմամբ՝ քննության հիմնական վարկածը դիտավորյալ գործողությունն է։ Երկաթուղային գծերի վրա հայտնաբերվել է ռելսի բեկոր, որը, աղբյուրների պնդմամբ, «այնտեղ չպետք է լիներ»։
Իրավապահները շարունակում են պարզել միջադեպի հանգամանքները և պարզել, թե ինչպես է ռելսի բեկորը հայտնվել երկաթուղային գծերի վրա։
