10.09.2026 | 15:31
Պապոյանը վարդ արտադրողների հետ քննարկել է արտահանման և լոգիստիկ հարցերը
Հորդանանի ռազմաբազայի վրա Իրանի հարվածների հետևանքով մի շարք ամերիկյան կործանիչներ են վնասվել․ CBS News
Քաղաքականություն
10.09.2026 | 13:50
Հորդանանի Մուվաֆաք Սալթի ավիաբազայի ուղղությամբ երեքշաբթի լույս չորեքշաբթի գիշերը հասցված հարվածների հետևանքով մի քանի ամերիկյան ռազմական ինքնաթիռներ են վնասվել։ Այս մասին CBS News-ին հայտնել են իրավիճակին ծանոթ աղբյուրները։
Ութ F-15-եր թեթև վնասներ են կրել։ Աղբյուրները CBS News-ին անանունության պայմանով հայտնել են, որ մեկ A-10 Thunderbolt, որը հայտնի է որպես Warthog, խոցվել է և կորցրել թևը։
Հորդանանին հարվածների հետևանքով ԱՄՆ-ի անձնակազմի շրջանում զոհերի մասին տեղեկություններ չեն հաղորդվել։
Սա տեղի է ունեցել այն բանից հետո, երբ ԱՄՆ-ն երեքշաբթի հայտարարել էր, որ հարձակվել է հինգ իրանական լցանավերի վրա՝ ի պատասխան Իրանի կողմից ԱՄՆ ռազմածովային ուժերի ռազմանավի վրա հարձակման: Ի պատասխան՝ Իրանի Իսլամական հեղափոխության պահապանների կորպուսը հայտարարել էր, որ հարձակումներ է գործել ութ լցանավի և երկու ռազմանավի, ինչպես նաև Հորդանանում գտնվող բազայի վրա:
CBS News-ին հայտնի է դարձել, որ Հորդանանում գտնվող ԱՄՆ ուժերն ավելի քան 30 Patriot հրթիռ են արձակել Իրանի հարձակումները հետ մղելու համար։ Լրատվականն ավելի վաղ հաղորդել էր, որ ԱՄՆ պաշտոնյաները մտահոգված են Patriot հրթիռների և այլ ճշգրիտ կառավարվող զինամթերքի պաշարների արագ նվազման կապակցությամբ։
Թարգմանությունը՝ Էմմա Չոբանյանի
