07.09.2026 | 14:14
«Էմիլի ֆարմ»-ի 7 մասնաճյուղում 9 վարչական խախտում է արձանագրվել
Ադրբեջանն ու Իրանը քննարկել են համատեղ նախագծերի իրականացման ընթացքը
Քաղաքականություն
07.09.2026 | 12:46
Ադրբեջանի և Իրանի Պետական հանձնաժողովի համանախագահները քննարկել են երկու երկրների միջև համատեղ նախագծերի ընթացքը։ Այս մասին տեղական լրատվամիջոցներին հայտնել են Ադրբեջանի նախարարների կաբինետից։
Հաղորդվում է, որ հեռախոսազրույց է տեղի ունեցել Ադրբեջանի և Իրանի Իսլամական Հանրապետության միջև տնտեսական, առևտրային և հումանիտար համագործակցության պետական հանձնաժողովի համանախագահներ՝ Ադրբեջանի փոխվարչապետ Շահին Մուստաֆաևի և Իրանի ճանապարհների և քաղաքաշինության նախարար Ֆարզանե Սադեղի միջև։
Զրույցի ընթացքում կողմերը քննարկել են այս տարվա փետրվարին Բաքվում կայացած պետական հանձնաժողովի 17-րդ նիստից հետո ստորագրված փոխըմբռնման հուշագրում արտացոլված հարցերի իրականացման ընթացքը։ Կողմերը նշել են առևտրի, տնտեսության, տրանսպորտի, տարանցման, էներգետիկայի, ջրային և այլ ոլորտներում հաջող համագործակցությունը և քննարկել համատեղ նախագծերի ընթացքը։
Մասնավորապես, տրանսպորտային նախագծերի շարքում կարևոր նվաճում է նշվել Աղբենդ-Քալալա ավտոմոբիլային կամրջի շինարարության ավարտը։ Բացի այդ, քննարկվել են Աստարայի բեռնատար տերմինալի աշխատանքների ավարտին վերաբերող հարցեր։
Թարգմանությունը՝ Էմմա Չոբանյանի
