07.09.2026 | 14:14
«Էմիլի ֆարմ»-ի 7 մասնաճյուղում 9 վարչական խախտում է արձանագրվել
ՌԴ-ն հարվածել է Զապորոժիեի մարզի առևտրի կենտրոնին․ Սլավյանսկում վիրավորվել է չորս մարդ
Քաղաքականություն
07.09.2026 | 12:39
Ռուսական զորքերը լույս սեպտեմբերի 7-ի գիշերը Ուկրաինայի վրա արձակել տարբեր տեսակի 92 անօդաչու թռչող սարք, որոնցից ուկրաինական ուժերը խոցել են 71-ը։ Այս մասին հայտնում են Ուկրաինայի ռազմաօդային ուժերը, գրում է Current time-ը։
Զապորոժիեի առևտրի կենտրոնը հրդեհվել է ռուսական հարձակման հետևանքով։ Տարածաշրջանային ռազմական վարչակազմի ղեկավար Իվան Ֆեդորովը հայտնել է, որ տուժածներ չկան։
Տեղական լրատվամիջոցները նշում են, որ թիրախը Զապորոժիեի ամենամեծ առևտրի և զվարճանքի համալիրը՝ City Mall-ն է։ Այն փակ է մինչև սեպտեմբերի վերջ՝ օգոստոսի 28-ին մոտակա «Էպիկենտրոն»-ի վրա հարվածից հետո։
Սլավյանսկի ռազմական վարչակազմի ղեկավար Վադիմ Լյախը հայտնել է բազմահարկ բնակելի շենքերի վրա ռուսական հարվածի մասին։ Նրա խոսքով՝ հարձակման հետևանքով չորս մարդ վիրավորվել է։
Իզմայիլ շրջանում վնասվել է բնակելի շենք, իսկ երկու մեքենա՝ հրդեհվել, հայտնել է Ուկրաինայի պետական արտակարգ իրավիճակների ծառայությունը։
Ռուսաստանի պաշտպանության նախարարությունը հայտնել է, որ հարված է հասցվել Իզմայիլում գտնվող արտադրական-բեռնման համալիրին, որը ենթադրաբար օգտագործվում է Ուկրաինայի զինված ուժերին արևմտյան երկրների կողմից մատակարարվող ռազմական բեռների բեռնաթափման համար, ինչպես նաև Սև ծովում պարեկային նավակին։
Թարգմանությունը՝ Էմմա Չոբանյանի
