Հայաստանի լրագրողների ֆուտբոլի հավաքականը սեպտեմբերի 11-ից 13-ը Լիտվայի Դրուսկինինկայ քաղաքում կմասնակցի Եվրոպայի լրագրողների երկրորդ առաջնությանը, հաղորդում է թիմի մամուլի ծառայությունը:
Հայաստանի լրագրողների թիմը Եվրոպայի գործող չեմպիոնն է։
Առաջնությանը կմասնակցեն 11 լրագրողական թիմեր, այդ թվում՝ Հայաստանից, Լիտվայից, Բելառուսից, Լատվիայից, Լեհաստանից, Հունգարիայից, Չեխիայից, Հունաստանից, Կիպրոսից, Ավստրիայից և Ռումինիայից։ Առաջին օրը կկայանան խմբային փուլի խաղերը, իսկ երկրորդ օրն առաջատար թիմերը կմրցեն փլեյ-օֆֆ համակարգով։
Ֆուտբոլային մրցաշարի կազմակերպիչները Լիտվայի ժուռնալիստների միությունն է, Լիտվայի մարզական լրագրողների ասոցիացիան և Լիտվայի ֆուտբոլի ֆեդերացիան։
