Մամա, դուրս գանք. քաղցկեղի դեմ պայքարող Իրինան առաջին անգամ դուրս է եկել զբոսնելու. դրամահավաքը շարունակվում է

Վերջին երեք ամսվա ընթացքում երկու հաջողակ վիրահատություններից ու մեկ կուրս քիմիաթերապիա ընդունելուց հետո, Իրինան առաջին անգամ ցանկացավ դուրս գալ՝ զբոսնելու։

«Մամա, դուրս գանք, немного прогуляться хочу», – խառնելով ռուսերենն ու հայերենը ասաց Իրինան մայրիկին։ Դյուսելդորֆում, որտեղ նա բուժում է ստանում գլխուղեղի քաղցկեղից ձերբազատվելու համար, մի փոքր զբոսնելուց հետո նա հոգնեց ու թոթովելով ասաց. «Устала я, давайте пойдем домой. Տուն էյթանք»։

Ի դեպ Դյուսելդորֆում, որտեղ Իրինան բուժում է ստանում, կլինիկան իր եւ քաղաքի սոցիալական ծառայությունների միջոցով մեզ աջակցեց գրեթե անվճար բնակարան գտնելու համար, ինչի համար շատ շնորհակալ ենք:

Վերջին ամիսներին մեր պուճուրն ամեն կերպ խուսափում էր արեւից, զբոսնելուց, որը հենց քաղցկեղի վատ հետեւանքներից է։ Նա այժմ հաղթահարում է այդ չարիքը, պայքարում դրա դեմ։ Ձեր աջակցությամբ կհաղթի: Հարազատներ, ընկերներ Իրինայի կյանքը փրկելու համար կազմակերպված հանգանակությանը Ձեր ակտիվ մասնակության շնորհիվ հնարավոր դարձավ նրա վիրահատություններն ու քիմիաթերապիայի առաջին կուրսերը ստանալը։ Այժմ նա անցնելու է քիմիաթերապիայի երկրորդ կուրսը:

Իրինան դեռեւս երկար, դժվար, սակայն հաղթահարելի ճանապարհ պետք է անցնի քաղցկեղի դեմ պայքարում: ՄԱՐԴԻԿ, շարունակեք ակտիվորեն մասնակցել դրամահավաքին, քանի որ ամբողջական բուժման համար պահանջվում է մեծ գումար՝ շուրջ 200 հազար եվրո: Մինչեւ օրս մենք կարողացել ենք հավաքել շուրջ 70 հազար եվրո: Բուժման ծախսերը շատ մեծ են, ընտանիքի հնարավորություններն ու ժամանակը՝ սուղ: Արդեն իսկ հավաքված միջոցներից կլինիկային վճարվել է շուրջ 67 հազար եվրո: Դրամահավաքը շարունակվում է:

Օգնել ցանկացողները կարող են անցնել այս հղմամբ եւ գումար փոխանցել փոքրիկի բուժման համար՝ https://www.gofundme.com/6pwaj-help-irina:

Հայաստանից հանգանակություն կարող եք կատարել բանկի միջոցով՝ ՎՏԲ բանկում բացված հատուկ հաշվեահամարներին: Ստացող՝ Մյասնիկ Անեսյան (MIASNIK ANESYAN)

AMD 16048343490004

USD 16048343490005

EUR 16048343490006

RUR 16048343490007

Ռուսաստանից ու Հայաստանից արագ փոխանցման համար բացվել են նաեւ հաշվեհամարներ Яндекс եւ Idram համակարգերով

Яндекс– 410017983060786

Idram – 459135910