21.08.2026 | 17:03
Հայտնի է «Ուժեղ Հայաստանի»՝ եվրոպական ինտեգրման հարցերի մշտական հանձնաժողովի նախագահի նոր թեկնածուի անունը
Զինվորներին վրաերթի ենթարկած վարորդի նկատմամբ հանրային քրեական հետապնդում է հարուցվել
Հասարակություն
21.08.2026 | 14:35
Օգոստոսի 19-ին Ճամբարակ-Վահան ճանապարհին տեղի ունեցած վրաերթի դեպքի առթիվ քննվող քրեական վարույթի շրջանակում տրանսպորտային միջոցի վարորդի նկատմամբ հարուցվել է հանրային քրեական հետապնդում: Այս մասին Factor.am-ին հայտնեcin Քննչական կոմիտեից:
Նշվում է՝ քրեական վարույթը նախաձեռնվել է Քրեական օրենսգրքի 342-րդ հոդվածի 1-ին և 4-րդ մասերով (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոնները խախտելը):
Հիշեցնենք՝ օգոստոսի 19-ին Ճամբարակ-Վահան ճանապարհին տեղի ունեցած վրաերթի ժամանակ մեկ զինծառայող զոհվել է, 6-ը՝ ստացել վնասվածքներ: ՀՀ ՊՆ-ից հայտնել էին, որ վնասվածքներ ստացած զինծառայողներից 3-ը հետազոտվել են, որևէ բժշկական միջամտության անհրաժեշտություն չի եղել: Մյուս երեքի կյանքին վտանգ չի սպառնում. նրանք գտնվում են հոսպիտալի բժիշկների հսկողության տակ:
Եվգենյա Համբարձումյան
