14.08.2026 | 13:31
Իսրայելը հայտարարել է Գազայում ՀԱՄԱՍ-ի ռազմական թևի վաշտի հրամանատարի ոչնչացման մասին
Կաթնամթերք արտադրող 5 ընկերություն տուգանվել է շուրջ 16.5 մլն դրամով
14.08.2026 | 11:00
Մրցակցության և սպառողների շահերի պաշտպանության հանձնաժողովը կաթնամթերքի ոլորտում իրականացված լայնածավալ ուսումնասիրության շրջանակում վարույթ է հարուցել 11 արտադրողների նկատմամբ։
Հինգ ընկերություն՝ «Մոտկոր Ֆուդ», «Էջմիածին Կաթ», «Հին Ապարան+», «Ար-Տար» և «Ամասիայի Գլխավորող Պանրագործարան» ՍՊԸ-ները, ընդունել են արձանագրված խախտումները։ Նրանց նկատմամբ կիրառվել է արագացված վարույթ, որի արդյունքում սահմանվել է ընդհանուր շուրջ 16.5 մլն դրամի տուգանք։
Հանձնաժողովի փոխանցմամբ՝ լաբորատոր փորձաքննությունների արդյունքում պարզվել է, որ ընկերությունների մի շարք արտադրանքներում կաթնայուղի զանգվածային մասը կազմել է 0.9-ից 25.5 տոկոս, մինչդեռ համապատասխան տեխնիկական կանոնակարգով այն պետք է կազմի առնվազն 50 տոկոս։
Խախտումներ են արձանագրվել «Մոտկոր», «Ամասիա» ապրանքային նշանով «Չանախ», «Tasty Cheese», «ԱԹ-ԱՌԱՏ», «EJMIATSIN Kat» ապրանքային նշանով «Ընտանեկան» և «Հին Ապարան» անվանումներով արտադրանքներում։
Հանձնաժողովի տվյալներով՝ արտադրանքների մի մասում օգտագործվել է կաթնայուղի փոխարինիչ, սակայն դրանք ներկայացվել են որպես համապատասխան տեխնոլոգիայով արտադրված կաթնամթերք։
Մնացած 6 վարույթները դեռևս քննության փուլում են։
