11.10.2026 | 14:46
Այսօր աղջիկ երեխաների միջազգային օրն է
Ռուսական հարվածից Սումիի մարզում մայր ու երեխա են զոհվել․ Կրամատորսկի վրա ութ ավիառումբ է նետվել
Քաղաքականություն
14.08.2026 | 10:46
Ռուսական բանակը գիշերը 112 անօդաչու թռչող սարքերով հարվածել է Ուկրաինային, որոնցից 90-ը խոցվել են, հաղորդել են Ուկրաինայի ռազմաօդային ուժերը։ Հարվածներ են գրանցվել 11 վայրերում, գրում է Current time-ը։
Սումիի մարզային վարչակազմի ղեկավար Օլեգ Գրիգորովի տեղեկացմամբ՝ Բուրինսկա համայնքի մասնավոր տան վրա հարձակման հետևանքով զոհվել է 29-ամյա մի կին և նրա 9-ամյա որդին։
Օգոստոսի 13-ի երեկոյան էլ ռուսական բանակը հարվածել է Կրամատորսկին, հաղորդել է Դոնեցկի մարզային դատախազությունը։ Գերատեսչության տվյալներով՝ քաղաքի վրա ութ ավիառումբ է նետվել։
«Դրանք ընկել են բնակելի թաղամասերում, այդ թվում՝ բնակարանային շենքերի վրա»,- ասվում է հայտարարության մեջ։
Մեկ մարդ զոհվել է, 17-ը՝ վիրավորվել, այդ թվում՝ 47-ից 85 տարեկան յոթ տղամարդ և 10 կին։
