22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
ՌԴ-ին ասել ենք, խնդիր ունենք, եկեք լուծենք. չենք ուզում պայմանագիրը խզել.Փաշինյանը` երկաթուղու մասին
Քաղաքականություն
13.08.2026 | 13:22
Հայաստանի կառավարությունը նպատակ չունի միակողմանիորեն խզել կամ լուծարել «Հարավկովկասյան երկաթուղի» ընկերության հետ կոնցեսիոն պայմանագիրը և փնտրում է հարցի բացառապես բարեկամական ու փոխընդունելի լուծումներ: Լրագրողների հետ ճեպազրույցում այս մասին հայտարարել է ՀՀ վարչապետ Նիկոլ Փաշինյանը:
Վարչապետն ընդգծել է, որ հայկական կողմը Ռուսաստանի հետ որևէ խնդիր կամ հակասություն չունի, իսկ հիմնական մարտահրավերը միջազգային լոգիստիկ ընկերությունների դիրքորոշումն է
Նրա փոխանցմամբ՝ միջազգային խոշոր բեռնափոխադրողներն ու ներդրողները խուսափում են օգտվել Հայաստանի երկաթուղուց կամ ներդրումներ անել, քանի դեռ այն գտնվում է ռուսական կոնցեսիոն կառավարման ներքո:
«Մենք Ռուսաստանի մեր գործընկերներին բարեկամաբար ասել ենք՝ հարգելի՛ բարեկամներ, մենք այսպիսի խնդիր ունենք, եկեք լուծում գտնենք, որպեսզի բաց չթողնենք Հայաստանի երկաթուղին միջազգային տրանսպորտային ցանցին ինտեգրելու պատմական հնարավորությունը»,- նշել է Փաշինյանը։
Մանրամասները՝ տեսանյութում։
Անի Թամրազյան
