10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
Քասախ համայնքի նախկին ղեկավարը 28 հողամաս է օտարել. 6 անձ ձերբակալվել է
Հասարակություն
10.08.2026 | 15:09
ԱԺ պատգամավոր Աննա Մկրտչյանի հոր՝ Քասախի նախկին համայնքապետ Արա Մկրտչյանի և համայնքապետարանի 5 նախկին աշխատակիցների նկատմամբ 28 դրվագով հանրային քրեական հետապնդում է հարուցվել։ Նրանք մեղադրվում են պաշտոնեական լիազորություններն անցնելու և պաշտոնեական կեղծիքի մեջ։
Քննչական կոմիտեի փոխանցմամբ՝ նախաքննությամբ ձեռք բերված տվյալների համաձայն՝ Արա Մկրտչյանը, համայնքապետարանի աշխատակիցների և աճուրդային հանձնաժողովի անդամների հետ նախնական համաձայնությամբ, 2016-2019 թվականներին փաստացի չիրականացված աճուրդների վերաբերյալ պաշտոնեական կեղծ փաստաթղթեր է կազմել։
Դրանց հիման վրա համայնքային սեփականություն հանդիսացող՝ շուրջ 228 մլն դրամ շուկայական արժեքով 28 հողամաս օտարվել է իբր աճուրդներում հաղթող ճանաչված անձանց։
Ըստ ՔԿ-ի՝ դրա հետևանքով առանձնապես խոշոր չափերի վնաս է պատճառվել Քասախ համայնքին, իսկ հողամասերն ապօրինի կերպով դուրս են եկել համայնքային ֆոնդից։
Արա Մկրտչյանը և համայնքապետարանի նախկին 5 աշխատակիցները ձերբակալվել են՝ նրանց նկատմամբ կալանքը որպես խափանման միջոց կիրառելու հարցը դատարան ներկայացնելու նպատակով։
