10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
Գալուզինը հերքել է Բաքվում Ուկրաինայի հարցով Գերմանիայի ներկայացուցիչների հետ բանակցությունները
Քաղաքականություն
10.08.2026 | 12:43
Ռուսաստանը Գերմանիայի հետ որևէ պաշտոնական բանակցություն չի վարել ուկրաինական կարգավորման վերաբերյալ։ ՏԱՍՍ-ին տված հարցազրույցում այս մասին հայտարարել է Ռուսաստանի փոխարտգործնախարար Միխայիլ Գալուզինը։
«Գերմանիայի հետ ուկրաինական կարգավորման վերաբերյալ պաշտոնական շփումներ չեն եղել և չկան, և քիչ հավանական է, որ դրանք հնարավոր են՝ հաշվի առնելով Գերմանիայի քաղաքական ղեկավարության չափազանց ագրեսիվ հակառուսական հռետորաբանությունն ու գործնական քայլերը»,- նշել է ռուսաստանցի պաշտոնյան։
Միաժամանակ, Գալուզինը նշել է, որ հասարակական խմբերի ներկայացուցիչների միջև ոչ պաշտոնական շփումներ են տեղի ունեցել։
«Ինչ վերաբերում է ռուսական և գերմանական տարբեր հասարակական կազմակերպությունների ներկայացուցիչների միջև ոչ պաշտոնական հանդիպումներին, դրանք եղել են և շարունակվում են»,- ընդգծել է ռուս դիվանագետը։
Ավելի վաղ Ադրբեջանի նախագահ Իլհամ Ալիևը հայտնել էր, որ Բաքվում Ռուսաստանի և Գերմանիայի ներկայացուցիչների միջև ուկրաինական կարգավորման վերաբերյալ շփումներ են տեղի ունեցել։
