16.09.2026 | 09:30
Համաշխարհային օլիմպիադա. Շախմատի Հայաստանի թիմերի առաջին մրցակիցները և կազմերը
Ռուսաստանը բենզինի արտահանման արգելքը երկարաձգել է մինչև 2027 թվականի հունվարի վերջը
Քաղաքականություն
30.07.2026 | 19:39
Ռուսաստանի կառավարությունը մինչև 2027 թվականի հունվարի 31-ը նոր արգելք է սահմանել բենզինի, դիզելային վառելիքի և այլ տեսակի վառելիքների արտահանման վրա։ Այս մասին հաղորդում է ՏԱՍՍ-ը, որին վկայակոչում է Current time-ը։
«Որոշումը կայացվել է՝ վառելիքի ներքին շուկայում կայունությունը պահպանելու համար»,- ասվում է կառավարության հայտարարության մեջ։
Փոխվարչապետ Ալեքսանդր Նովակն անցյալ շաբաթ հայտարարել էր, որ Ռուսաստանի իշխանությունները մտադիր են երկարաձգել վառելիքի արտահանման արգելքը։ Այնուամենայնիվ, այդ ժամանակ նա պնդել էր, որ արտահանման արգելքը կերկարաձգվի մինչև 2026 թվականի վերջը, իսկ դիզելային վառելիքի արտահանման արգելքը կվերացվի «շուկայի վերականգնմանը զուգընթաց»։
Ապրիլին Ռուսաստանը բենզինի արտահանման լիակատար արգելք էր սահմանել՝ ակնհայտորեն մեծ պահանջարկի շրջանում դեֆիցիտը կանխելու համար։ Իսկ հունիսին Ռուսաստանի կառավարությունը երկրից ավիացիոն կերոսինի արտահանման արգելք էր սահմանել։
Արգելքները մտցվել են Ուկրաինայի կողմից ռուսական նավթավերամշակման գործարանների վրա շարունակվող հարվածների և Մերձավոր Արևելքում հակամարտության ֆոնին, որը հանգեցրել է նավթի գների բարձրացման և հեռանկարում համաշխարհային շուկայում ավիացիոն վառելիքի դեֆիցիտի։
Թարգմանությունը՝ Էմմա Չոբանյանի
