27.09.2026 | 20:00
Չորս համայնքում ՏԻՄ ընտրությունների քվեարկությունն ավարտվել է․ սկսվել է հաշվարկը
Դավիթ Գևորգյանը նշանակվել է «Արարատցեմենտ»-ի կառավարիչ
Հասարակություն
30.07.2026 | 18:10
Դավիթ Գևորգյանին նշանակել «Արարատցեմենտ» ՓԲԸ կառավարիչ։
Էկոնոմիկայի նախարար Գևորգ Պապոյանը հրապարակել է իր իսկ ստորագրած հրամանը։
Կենսագրական տվյալներ
Ամսաթիվ, տարեթիվ, ծննդավայր
1991թ. 22 մարտի, ք. Երևան
Կրթություն
2007-2014 թթ.սովորել է Հայաստանի պետական տնտեսագիտական համալսարանում՝ «Շուկայաբանության» (մարքեթինգ) բաժնում՝ ստանալով շուկայաբանության բակալավրի որակավորումը
Աշխատանքային գործունեություն
2012 թ. հիմնել է «Բիզնես Քալչր» ՍՊԸ-ն
2013-2015 թթ. – «Դանիելյան պրինտ» ՍՊԸ-ի տնօրեն («Նոյյան Տապան» տպագրատուն)
2016-2018 թթ. – «Առգե բիզնես» ՍՊԸ շուկայի ուսումնասիրության մասնագետ
2018 թ. հունիսի 8-ին նշանակվել է ՀՀ տարածքային կառավարման և զարգացման նախարարի տեղակալի պաշտոնում
2018-2021 թթ. – ՀՀ Արագածոտնի մարզպետ
2022 թ. նոյեմբերի 29-ին նշանակվել է Վարչապետի օգնական
Այլ տվյալներ
Զինապարտ է, պահեստազորի սպա, լեյտենանտ:
Կուսակցական պատկանելություն
«Քաղաքացիական պայմանագիր» կուսակցություն
Անձնական տվյալներ
Ամուսնացած չէ:
Հիշեցնենք, որ Հակակոռուպցիոն դատարանի որոշմամբ՝ Գլխավոր դատախազության միջնորդության հիման վրա, «Արարատցեմենտ» ընկերությունը հանձնվել է Հայաստանի Հանրապետության կառավարմանը՝ ի դեմս Էկոնոմիկայի նախարարության։
Հվելենք նաև որ Գլխավոր դատախազությունը Հակակոռուպցիոն դատարան էր ներկայացրել ապօրինի ծագում ունեցող գույքի բռնագանձման հայց՝ պահանջելով պետության օգտին բռնագանձել Գագիկ Ծառուկյանին և նրա հետ փոխկապակցված անձանց վերագրվող մի շարք ակտիվներ, այդ թվում՝ «Արարատցեմենտ» ԲԲԸ-ի բաժնետոմսերը։ Գործի քննությունը շարունակվում է Հակակոռուպցիոն դատարանում։
