14.09.2026 | 17:57
Կրեմլը ողջունել է Կիևին ուղղված Թրամփի կոչը՝ դադարեցնել ՌԴ-ի տնտեսական ենթակառուցվածքների վրա հարձակումները
Դատախազությունն ընթացք է տվել Աննա Հակոբյանի հրապարակմանը
Հասարակություն
28.07.2026 | 17:08
Գլխավոր դատախազությունն ընթացք է տվել վարչապետի տիկին Աննա Հակոբյանի հրապարակմանը, որում նա հայտնել է իր կյանքի նկատմամբ սպառնալիքների մասին։
Հակոբյանը, հիշեցնենք, վերջին շրջանում ընտանիքում բռնությունը դատապարտող տեսանյութեր է հրապարակում։
Նա մոտ երկու ժամ առաջ տեսանյութ է հրապարակել, որով հայտնել է, որ ընտանիքում բռնության թեմայի բարձրաձայնումից հետո իր կյանքի նկատմամբ սպառնալիքներ է զգում։
«Հուսով եմ՝ պետական մարմինները կկարողանան նման բան թույլ չտալ, որովհետև երկրի հեղինակությանը մեծ վնաս կլինի, եթե վարչապետի տիկինը բռնության զոհ դառնա»,- հայտնել է Աննա Հակոբյանը՝ միաժամանակ կանանց կոչ անելով չվախենալ և բարձրաձայնել ընտանիքում բռնության դեպքերի մասին։
«Սիրելի՛ կանայք, միայն մենք կարող ենք միմյանց օգնել և պաշտպանել։ Ի՞նչ է պետք անել․ պետք է սկսել համարձակ խոսել այս երևույթի մասին՝ հայտարարելով, որ չենք հանդուրժելու այլևս բռնությունը մեր ընտանիքներում։ Հնարավոր չի լինելու բոլորիս միաժամանակ ուժով լռեցնել։ Աենավատն արդեն մեզ հետ պատահել է»,- նշել է Աննա Հակոբյանը։
Այս գրառումից հետո, փաստորեն, Դատախազությունը ժամերի ընթացքում վարույթ նախաձեռնելուն ուղղված քայլեր է ձեռնարկել։
Արաքս Մամուլյան
