27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
25.07.2026 | 19:46
Հայաստանի ներկայացուցիչ Էլինա Ավանեսյանը ավարտեց ելույթները Գերմանիայի Համբուրգ քաղաքում անցկացվող WTA 250 շարքի մրցաշարում։
Կիսաեզրափակիչում 23-ամյա թենիսիստը մրցեց աշխարհի 97-րդ ռակետ, հունգարացի Աննա Բոնդարի հետ ու պարտվեց երեք սեթում՝ 6։7, 6:4, 6:7: Մրցախաղը տևեց 3 ժամ 30 րոպե։
Եզրափակիչում Աննա Բոնդարի մրցակիցը կլինի Մայար Շերիֆ (Եգիպտոս) – Թամարա Կորպաչ (Գերմանիա) զույգի հաղթողը։
Համբուրգի մրցաշարի մրցանակային հիմնադրամը 246 388 եվրո է։
Էլինա Ավանեսյանը պայքարը սկսել էր որակավորման փուլից, որտեղ տարել էր երկու հաղթանակ, իսկ առաջին ու երկրորդ շրջաններում պարտության էր մատնել նիդերլանդցի Արանչա Ռուսին ու Ղազախստանը ներկայացնող Յուլիա Պուտինցևային։ Քառորդ եզրափակիչում նրա մրցակիցն էր աշխարհի 45-րդ ռակետ, Ուկրաինայի ներկայացուցիչ Ալեքսանդրա Օլեյնիկովան, որը վնասվածքի պատճառով հրաժարվել էր պայքարից։
Կանանց թենիսի ասոցիացիայի (WTA) դասակարգման աղյուսակում Էլինա Ավանեսյանը զբաղեցնում է 208-րդ տեղը։
