14.09.2026 | 12:19
Անընդունելի է․ չեմ կարող քանդել տալ տասնամյակների ինքնակամները, բայց ձեր աչքի առաջ նորերը հայտնվեն․ Ավինյան․ ՏԵՍԱՆՅՈՒԹ
Գեղարքունիքի մարզպետը Շվեդիայի դեսպանի հետ քննարկել է ներդրումային ծրագրերն ու համագործակցության ընդլայնումը
Տնտեսություն
20.07.2026 | 14:06
Գեղարքունիքի մարզպետ Կարեն Սարգսյանն ընդունել է Հայաստանում Շվեդիայի արտակարգ և լիազոր դեսպան Էվա Սունդքվիստին։ Հանդիպման ընթացքում կողմերը քննարկել են մարզում իրականացվող շվեդական ծրագրերը, ներդրումային հնարավորություններն ու հայ-շվեդական համագործակցության ընդլայնման հեռանկարները։
«ՀՀ Գեղարքունիքի մարզպետ Կարեն Սարգսյանն ընդունել է Հայաստանում Շվեդիայի Թագավորության արտակարգ և լիազոր դեսպան Ն.Գ. Տիկին Էվա Սունդքուիսթին։
Ողջունելով դեսպանին՝ մարզպետն անդրադարձել է հայ-շվեդական համագործակցության շրջանակներում մարզում վերջին տարիներին իրականացված ծրագրերին և իր երախտագիտությունը հայտնել Շվեդիայի կառավարությանը՝ ցուցաբերած աջակցություն համար։
Շնորհակալություն հայտնելով ընդունելության համար՝ դեսպան Էվա Սունդքվիստը խոսել է Շվեդիայի կառավարության կողմից մարզում իրականացվող ներդրումների, փոխշահավետ համագործակցության ընդլայնման հնարավորությունների մասին։
Զրույցի ընթացքում շոշափվել են նաև մարզի տնտեսության տարբեր ոլորտներում ներդրումներ կատարելու հետ կապված հարցեր»,- ասված է հաղորդագրությունում։
