22.10.2026 | 14:35
Ռուսաստանն ու Ուկրաինան զոհերի մարմիններ են փոխանակել
Էդուարդ Սպերցյանը գրառում էր արել «Ալ Ահլիում» առաջին մարզումից հետո
09.07.2026 | 10:20
Հայաստանի ազգային հավաքականի ավագ Էդուարդ Սպերցյանը սաուդյան «Ալ Ահլիի» կազմում առաջին մարզումն անցկացնելուց հետո պատմել է տպավորությունների մասին։
«Արդեն ժամանել եմ Ավստրիա և միացել թիմի հավաքին։ Ծանոթացել եմ տղաների հետ ու պատրաստ եմ ջանասիրաբար աշխատելուն։ Շնորհակալ եմ աջակցության խոսքերի համար, դա շատ արժեքավոր է ինձ համար»,- տելեգրամյան ալիքում գրել էի 26-ամյա կիսապաշտպանը։
Սաուդյան Արաբիայի ավարտված առաջնության բրոնզե մեդալակիրն այս օրերին հավաք է անցկացնում Ավստրիայում։
Էդուարդ Սպերցյանը ռուսական «Կրասնոդարից» է տեղափոխվել «Ալ Ահլի», որը ոչ պաշտոնական տվյալներով 20-25 միլիոն եվրո է վճարել գործարքի համար։ Ավելի վաղ հայտնի էր դարձել, որ «Ալ Ահլիում» հայ ֆուտբոլիստի տարեկան աշխատավարձը կկազմի 6 միլիոն եվրո` գումարած բոնուսները։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 185 հանդիպում, դարձել 58 գոլի ու 44 գոլային փոխանցման հեղինակ։ Transfermarkt-ը 25 միլիոն եվրո է գնահատում նրա տրանսֆերային արժեքը։
«Ալ Ահլին» Ասիայի Չեմպիոնների լիգայի գործող հաղթողն է։ Թիմը Սաուդյան Արաբիայի 9-ակի չեմպիոն է։
