11.08.2026 | 16:53
Գևորգ Մելիքսեթյանը կազատվի ԲՏԱ նախարարի տեղակալի ժամանակավոր պաշտոնակատարի պաշտոնից
Դատավորը չի արձագանքել Ռ․ Քոչարյանին դեկտեմբերի 1-ին կալանավորելու վերաբերյալ Հայկ Ալումյանի հայտարարությանը
Հասարակություն
29.11.2018 | 17:09
Այսօր մամուլում եղավ հրապարակում այն մասին, որ ՀՀ 2-րդ նախագահ Ռոբերտ Քոչարյանին դեկտեմբերի 1-ին կկալանավորեն։
Ռ․ Քոչարյանի պաշտպանական թիմի անդամ, փաստաբան Հայկ Ալումյանն այսօր դատական նիստի ընդմիջման ժամանակ լրագրողների հետ զրույցում ասաց, որ մամուլի այդ հրապարակման մասին հայտնել է դատավորին և թեև չէր կարող դատավորին հարց ուղղել, ուստի այդ մասին պարզապես հայտարարություն է արել։
«Ես էլ այսօր բացեցի մամուլը, կարդացի տեղեկությունը և քանի որ դատավորին հարցեր ուղղելու իրավունք չունեի, դատարանում հանդես եկա այդ մասին հայտարարությամբ։ Հայտարարության վերջում ասացի, որ շատ կուզեի, որպեսզի դատավորը վերջում մեկնաբանություն անի իմ հայտարարության վերաբերյալ։ Բայց նա ոչինչ չասաց։ Ես նաև վկայակոչեցի, որ առայժմ երկու անգամ է նման հայտարարություն եղել, որոնք երկուսն էլ հաստատվել են», – ասաց պաշտպանը։
