22.06.2026 | 17:51
Վենսը հայտարարել է, որ Իրանը համաձայնել է թույլատրել ՄԱԳԱՏԷ-ի տեսուչների մուտքը երկիր
Դոնալդ Թրամփը 2020 թ. ընտրություններում իրեն արժանի մրցակից չի տեսնում
Քաղաքականություն
29.11.2018 | 14:42
ԱՄՆ նախագահ Դոնալդ Թրամփը հայտարարել է, որ հաջորդ՝ 2020 թվականի ընտրություններում իրեն արժանի մրցակից չի տեսնում: Այս մասին գրում է «Իզվեստիա»-ն՝ վկայակոչելով New York Post-ը:
Թրամփն ասել է, որ հետաքրքիր կլիներ մրցել Նյու Յորքի նախկին քաղաքապետ Մայքլ Բլումբերգի հետ, սակայն վստահ չէ, որ Բլումբերգը կորոշի մասնակցել նախագահական մրցապայքարին: Նշվում է, որ Թրամփն ու Բլումբերգը ժամանակին ընկերներ են եղել, սակայն ներկայում միլիարդատերերը չեն թաքցնում միմյանց հանդեպ թշնամանքը: 2016 թվականին Բլումբերգը Թրամփին խարդախ էր անվանել՝ մատնանշելով նրա բազմաթիվ սնանկությունները:
Միաժամանակ, Թրամփը հետաքրքրություն է հայտնել սենատոր Կիրստեն Գիլիբրենդի նկատմամբ, որին, ըստ նրա, լավ է ճանաչում, սակայն կասկածում է, որ կառաջադրվի 2020 թվականի ընտրություններին:
Ավելի վաղ Թրամփը հայտարարել էր, որ դեմ չի լինի մրցել Հիլարի Քլինթոնի հետ՝ այդպիսով պատասխանելով վերջինի հայտարարությանը, թե ամեն ջանք գորադրելու է, որպեսզի ԱՄՆ-ում իշխանության գա դեմոկրատ գործիչ:
