25.06.2026 | 15:27
Ինչու է աշխատանքից ազատվել Էդգար Ղազարյանի քույրը․ քաղգործիչը պնդում է՝ բռնաճնշում է, Ավանեսյանը հակադարձում՝ մանիպուլյացիա է
Ռումինիայի Պատգամավորների պալատն առանց քվեարկության հաստատել է Մոլդովայի հետ միավորման մասին օրինագիծն ու ուղարկել Սենատ
Քաղաքականություն
25.06.2026 | 12:57
Ռումինիայի Պատգամավորների պալատն առանց քվեարկության հաստատել Մոլդովայի հետ միավորման գործընթացի մեկնարկի վերաբերյալ օրինագիծը այն բանից հետո, երբ դրա քննարկման և քվեարկության ժամկետն ավարտվել է, գրում է The Insider-ը։
Ռումինիայի օրենսդրության համաձայն՝ եթե պատգամավորները չեն կարողանում առանձին բանաձև ընդունել որևէ նախաձեռնության վերաբերյալ սահմանված ժամկետում, այն համարվում է ընդունված և ներկայացվում է Սենատի քննարկմանը, հաղորդում է մոլդովական IPN լրատվական գործակալությունը:
Օրինագիծը ներկայացրել են ազգայնական «S.O.S.» կուսակցության պատգամավորները, որը Reuters-ը բնութագրել է որպես ռուսամետ։
Օրինագծի հեղինակները հղում են կատարում Հելսինկիի եզրափակիչ ակտին, որը թույլ է տալիս պետական սահմանների խաղաղ և փոխադարձ համաձայնությամբ փոփոխություն։
Պատգամավորների պալատի կողմից ավտոմատ կերպով հաստատումը չի նշանակում, որ օրենքն ուժի մեջ է մտնում: Այն այժմ պետք է դիտարկվի և հաստատվի Ռումինիայի Սենատի կողմից, որն այս հարցի քննարկման վերջին ատյանն է: Դրանից հետո փաստաթուղթը պետք է անցնի իրավական ընթացակարգերը:
Թարգմանությունը՝ Էմմա Չոբանյանի
