25.06.2026 | 13:21
Կովկասի հարցերով ՆԱՏՕ-ի հատուկ ներկայացուցիչը Բաքվում է
Մոսկվան Երևանից որոշման է սպասում ՀԱՊԿ-ին անդամակցության վերաբերյալ
Քաղաքականություն
25.06.2026 | 10:53
Մոսկվան Երևանից որոշման է սպասում ՀԱՊԿ-ին իր մասնակցության վերաբերյալ։ Այս մասին ՌԻԱ Նովոստիին ասել է կազմակերպությունում Ռուսաստանի մշտական ներկայացուցիչ Վիկտոր Վասիլևը։
«[Հայաստանը պետք է] որոշում կայացնի՝ մնո՞ւմ են կազմակերպությունում, թե՞ նախընտրում են այլ սցենար»,- ընդգծել է նա։
Վասիլևը հավելել է, որ Հանրապետությունը պետք է հայտնի Ռուսաստանին այս մասին։
Հիշեցնենք, որ Հայաստանը սառեցրել է ՀԱՊԿ-ին իր մասնակցությունը, նաև չի վճարում անդամավճարները։
Ավելի վաղ Վասիլևը հայտարարել էր, որ Հավաքական անվտանգության պայմանագրի կազմակերպությանը Հայաստանի հետագա անդամակցության հեռանկարները ՀԱՊԿ բարձրագույն ղեկավարության կողմից մանրակրկիտ քննարկման առարկա կդառնան։
Թարգմանությունը՝ Էմմա Չոբանյանի
