15.08.2026 | 11:12
65 տարեկանի սահմանափակումը վերացվում է․ մի շարք պաշտոններում այլևս տարիքային շեմ չի գործի
Կիևյան կամրջի վրա կիրակի չեն աշխատել, պիտի 24/7 լինի. ավագանու անդամ․ ՏԵՍԱՆՅՈՒԹ
Տեսանյութեր
23.06.2026 | 14:00
Կիրակի օրը աշխատանք հենց Կիևյան կամրջի վրա չի կատարվել, սակայն կատարվել են այլ նախապատրաստական աշխատանքներ։ Այս մասին Երևանի քաղաքապետ Տիգրան Ավինյանին հայտնեցին ավագանու նիստի ժամանակ։
Ավագանու ընդդիմադիր անդամներից Ռոբերտ Ծովյանը նկատեց․ «Պարո՛ն Ավինյան, կապված կիրակի օրվա աշխատանքի հետ՝ ես կարծում եմ, որ 2026 թվականին արդեն այդ ճոխությունը մեզ չենք կարող թույլ տալ. ինձ թվում է՝ 24/7 պետք է աշխատանքներ կատարվեն, որովհետև սա կարևոր ենթակառուցվածք է, և ամեն օրը կարևոր է Երևանի համար»։
Ավինյանը համամիտ էր Ծովյանի հետ,սակայն նշեց, որ լավ տեմպով են առաջ շարժում։
«Բայց ամեն դեպքում, բոլոր տեսակի ռիսկերից խուսափելու համար և որպեսզի ժամկետներում վստահ լինենք, որ կապալառուները կհասցնեն, խնդրում եմ այս գրաֆիկներն էլ այնպես կազմակերպել, որ նույնիսկ ոչ աշխատանքային օրերին աշխատանքը շարունակվի»,-ասաց նա։
Մանրամասները՝ տեսանյութում։
