05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ՌԴ Սվերդլովսկի մարզում փոթորկի հետևանքով գրեթե 100 տուն է վնասվել․ 16 մարդ վիրավորվել է
Քաղաքականություն
23.06.2026 | 13:01
ՌԴ Սվերդլովսկի մարզում հունիսի 22-ի երեկոյան փոթորիկը վնասել է տներ և էլեկտրահաղորդման գծերի հենարաններ։ Ամենաշատը տուժել է Կուշվա քաղաքը. այնտեղ արտակարգ դրություն է հայտարարվել, գրում է Meduza-ն։
Արտակարգ իրավիճակների նախարարության տվյալներով՝ եղանակային վատ պայմանների պատճառով վնասվել է 99 մասնավոր բնակելի տուն, որոնցից 32-ն ամբողջությամբ ավերվել է, ինչպես նաև 25 ավտոմեքենա և 15 էլեկտրահաղորդման գիծ։
16 մարդ վիրավորվել է, որոնցից մեկը՝ նախաբազկի կոտրվածքով, Կուշվայից տեղափոխվել է Նիժնի Տագիլ, իսկ մյուսները բժշկական օգնություն են ստացել դեպքի վայրում։ Քաղաքում ստեղծվել է 50 մարդու համար ժամանակավոր կացարան։
Կուշվայում անջատվել է էլեկտրաէներգիան։ Կարևորագույն օբյեկտները միացվել են պահեստային համակարգերին, էլեկտրաէներգիայի մատակարարումը, ինչպես սպասվում է, լիովին կվերականգնվի հունիսի 23-ի երեկոյան։
Թարգմանությունը՝ Էմմա Չոբանյանի
