16.11.2024 | 16:28
Երևանի Նազարբեկյան փողոցում կրակոցներ են հնչել․ 42-ամյա տղամարդ է մահացել
4 տոկոս ձայնի հավակնողն ինչպե՞ս կարող է բանավիճել 68 տոկոս ձայնի հավակնողի հետ․ Է․ Մարուքյան․ ՏԵՍԱՆՅՈՒԹ
Քաղաքականություն
28.11.2018 | 15:50
«Լուսավոր Հայաստան» կուսակցության նախագահ Էդմոն Մարուքյանի համոզմամբ՝ նախկին իշխանություններն ապրել են կյանքից կտրված և դրա համար էլ իշխանությունից ընկել են, հիմա էլ ուզում են այդպես կյանքից կտրված լինել ընդդիմություն կամ հակակշիռ։
«Նոր իմացա, որ Վիգեն Սարգսյանն առաջարկում է, որ ինքը միայնակ գնա և Նիկոլ Փաշինյանի հետ բանավիճի։ Ես հասկանում եմ՝ իրենք ուզում են անընդհատ լինել լուրերի գլխագրերում, սակայն կարծում եմ, որ այն բանավեճը, որը Հ1-ը առաջարկել է բոլոր ուժերի հետ, դա արժանապատիվ բանավեճ է, իսկ երբ միայն մեկ ուժ է ուզում մի այլ ուժի հետ բանավեճ ունենալ, դա նշանակում է նվաստացնել մյուս ուժերին։ Դա սխալ է նաև այն առումով, որ մի ուժ, որը մեծ հարց է 4 տոկոս կհավաքի, թե՝ չէ, ցանկանում է բանավիճել մի ուժի ղեկավարի հետ, որը 68 տոկոս ռեյտինգ ունի վերջին հարցումներով»,- այսօր Էջմիածնում քարոզարշավի ժամանակ ասաց «Լուսավոր Հայաստան» կուսակցության նախագահ Էդմոն Մարուքյանը։
Մանրամասները՝ տեսանյութում։
