18.06.2026 | 16:03
Հարի Քեյնը կրկնել է Դևիդ Բեքհեմի ցուցանիշն ու աշխարհի առաջնությունների ռեկորդ սահմանել
Մարդկանց մի՛ վախեցրեք․ ջուրը նույն քանակով կա, ուղղակի պետք է ճիշտ կառավարել․ Գեղամ Նազարյան․ ՏԵՍԱՆՅՈՒԹ
Տնտեսություն
18.06.2026 | 13:54
Այն, որ ջրամբարներ պետք է կառուցենք, միանշանակ է, բայց՝ ճիշտ հաշվարկված՝ հաշվի առնելով նաև Հայաստանի սեյսմիկ առանձնահատկությունները, որովհետև չի կարելի տեկտոնական խզվածքների վրա վերցնել ու ջրամբար կառուցել։ Այս մասին ԱԺ-ում հայտարարեց անկախ պատգամավոր Գեղամ Նազարյանը։
«Պետք է այդ ամեն ինչը հաշվել։ Եղվարդի ջրամբարն էլ պետք է կառուցել, բայց այս ամեն ինչը որ անում եք, երբ որ գալիս ներկայացնում եք, երբեք մի՛ ասեք՝ «կլիմայական փոփոխությունների պատճառով». դա կեղծ թեզ է, որը տարածվել է ամբողջ աշխարհում, չգիտեմ՝ ինչ նպատակներով։
Որ դուք հասկանաք՝ ոչ մի կլիմայական փոփոխություն չկա։ Երկու թիվ եմ բերում. 1970-ականներին աշխարհի ամենախոնավ քաղաքում՝ Կատմանդուում, եկել է այնքան տեղում, որքան եկել է հիմա՝ այսինքն 2020-ականներին։ Նույնը Երևանում՝ պատկերը չի փոխվել. կլիման չի փոխվում, ուղղակի մարդն է ագահաբար այդ ջուրը օգտագործում, ընդամենը։ Եվ մարդկանց մի՛ վախեցրեք անընդհատ, որ «կլիման փոխվել է, ջուրը պակասել է». ջուրը նույն քանակով կա, և ուղղակի պետք է ճիշտ կառավարել»,-նշեց նա։
Մանրամասները՝ տեսանյութում։
