14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Գևորգ Սաֆարյանի պատժախցում կար թե՛ բնական լույսի, թե՛ կոյուղաջրերի խնդիր. ՄԻՊ
Քաղաքականություն
25.07.2017 | 14:36
Մարդու իրավունքների պաշտպան Արման Թաթոյանը, պատասխանելով Factor.am-ի հարցին, նշեց, որ պատժախցում, որտեղ պահվում էր Գևորգ Սաֆարյանը, պայմաններն անընդունելի են:
Ըստ ՄԻՊ-ի՝ այդ պատժախցում խնդիր կա ինչպես բնական լույսի, այնպես էլ կոյուղաջրերի հետ կապված: «Մենք քննարկել ենք ոչ միայն Գևորգ Սաֆարյանի պահման պայմանների հարցը, այլ նաև նրա ֆիզիկական անվտանգությունը ապահովելու խնդիրը, որը բարձրաձայնել էր Սաֆրարյանի փաստաբանը»,- նշեց Արման Թաթոյանը:
Հիշեցնենք՝ մոտ 20 օր պատժախցում անցկացրած Գևորգ Սաֆարյանն իր փաստաբանի միջոցով ահազանգել էր պատժախցում առկա անտանելի պայմանների մասին, ինչից հետո խնդրին անդրադարձան նաև ՔԿՀ այցելած ՄԻՊ աշխատակազմի ներկայացուցիչները: Երեկ, ի վերջո, ընդդիմադիր ակտիվիստ Գևորգ Սաֆարյանը տեղափոխվեց իր նախընտրած խուց: Մանրամասները՝ տեսանյութում: Շողիկ Գալստյան
