26.10.2026 | 18:38
Միրզոյանն ու Կոպմանը քննարկել են ՀՀ-ԵՄ գործընկերության օրակարգն ու տնտեսական կապերի խորացումը
ԱԱ-2026. Անգլիան գոլառատ խաղում հաղթեց Խորվաթիային․ ՏԵՍԱՆՅՈՒԹ
18.06.2026 | 02:01
ԱՄՆ-ում, Կանադայում և Մեքսիկայում անցկացվող ֆուտբոլի աշխարհի առաջնությունում պայքարը մեկնարկեց նաև L խմբում։
Առաջին խաղում մրցեցին Անգլիայի ու Խորվաթիայի հավաքականները։ 4։2 հաշվով հաղթեցին անգլիացիները (տեսանյութ)։
Թոմաս Տուխելի գլխավորած թիմի կազմում առաջին խաղակեսում դուբլի հեղինակ դարձավ Մյունխենի «Բավարիայի» հարձակվող Հարի Քեյնը, իսկ ընդմիջումից հետո աչքի ընկան Մադրիդի «Ռեալի» կիսապաշտպան Ջուդ Բելինգեմը և կատալոնական «Բարսելոնայի» հարձակվող Մարկուս Ռեշֆորդը։
Խորվաթիայի հավաքականի գոլերը խփեցին իտալական «Կոմոյի» կիսապաշտպան Մարտին Բատուրինան ու ամերիկյան «Դալասի» հարձակվող Պետար Մուսան։
L խմբում ընդգրկված են նաև Գանայի ու Պանամայի հավաքականները։
ԱԱ-2026, առաջին տուր
L խումբ
Անգլիա – Խորվաթիա՝ 4:2
Հարի Քեյն, 12 (11մ), 42, Ջուդ Բելինգեմ, 47, Մարկուս Ռեշֆորդ, 85 – Մարտին Բատուրինա, 36, Պետար Մուսա, 45+5
