22.06.2026 | 14:47
Փրկարարները 8-րդ օրը գետում գտան 13-ամյա աղջկա մարմինը
Վրաստանում նախագահական ընտրությունների երկրորդ փուլ է անցկացվում
Քաղաքականություն
28.11.2018 | 11:28
Վրաստանում մեկնարկել է նախագահական ընտրությունների երկրորդ փուլը, որին մասնակցում է երկու թեկնկածու՝ «Վրացական երազանք» կուսակցության աջակցությունը վայելող Սալոմե Զուրաբիշվիլին և «Միացյալ ազգային շարժում» կուսակցությունից առաջադրված Գրիգոլ Վաշաձեն: Այս մասին գրում է «Ինտերֆաքս»-ը:
Ժամը 8:00-ից 3703 ընտրատեղամաս է բացվել, որոնցից 55-ը՝ արտերկրում: Վրաստանի ԿԸՀ-ի տվյալներով՝ քվեարկությանը մասնակցելու իրավունք ունի 3.528.658 ընտրող:
Քվեարկությունն արդեն ավարտվել է Աֆղանստանում բացված ընտրատեղամասերում, որտեղ իրենց քաղաքացիական պարտքն են կատարել ավելի քան 800 վրացի զինծառայողներ:
Նախագահական ընտրությունների ընթացքին կհետևի 1.300 միջազգային և ավելի քան 48 հազար տեղական դիտորդ, որոնք դիտարկման նախնական արդյունքները կհրապարակեն արդեն նոյեմբերի 29-ին:
Հիշեցնենք, որ հոկտեմբերի 28-ին անցկացված ընտրությունների առաջին փուլում նախագահի 25 թեկնածուներից ոչ մեկին չհաջողվեց ավելի քան 50 տոկոս ձայն հավաքել: Լավագույն արդյունքները գրանցեցին Սալոմե Զուրաբիշվիլին (38.6 տոկոս) և Գրիգոլ Վաշաձեն (36.7 տոկոս):
