16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Արման Ծառուկյանը հայտնել է՝ ինչպես է պատրաստվում հաղթել Ջասթին Գեյջիին
16.06.2026 | 16:50
UFC-ի մարտիկ Արման Ծառուկյանն անդրադարձել է ամերիկացի Ջասթին Գեյջիին, որ օրեր առաջ նվաճել էր թեթև քաշային կարգի չեմպիոնի տիտղոսը։
«Նա չպետք է ավարտի կարիերան, քանի որ շատ լավ տեսք ունի։ Գեյջին այժմ իր գագաթնակետին է։ Նա արագ է, ունի ուժեղ տեսք։ Լավ կարդիո, ամուր ծնոտ։ Դա կարծես Ջասթին Գեյջիի նոր տարբերակն է։
Գեյջիի դեմ մենամարտում ես կտեղափոխեմ նրան պարտեր ու կխեղդեմ։ Ես նրա հետ չեմ կռվի կանգնած դիրքով»,- Արիել Հելվանիի հետ հարցազրույցում ասել է Արման Ծառուկյանը, որը UFC-ի թեթև քաշային կարգի դասակարգման երկրորդ համարն է։
Հիշեցնենք, որ Վաշինգտոնի Սպիտակ տանը կայացեած UFC Freedom 250 մրցաշարի գլխավոր մենամարտում 37-ամյա Ջասթին Գեյջին չորրորդ ռաունդում տեխնիկական նոկաուտով հաղթել էր Իսպանիան ներկայացնող վրացի մարտիկ Իլյա Տոպուրիային։
29-ամյա Արման Ծառուկյանը UFC-ում նորամուտը նշել է 2019 թվականին, նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Խառը մենամարտերում Հայաստանի ներկայացուցիչը մասնակցել է 26 հանդիպման, տարել 23 հաղթանակ ու կրել 3 պարտություն։
