16.08.2026 | 18:49
Հունգարիայում լեհական ավտոբուսի վթարի հետևանքով 12 զբոսաշրջիկ է զոհվել
ՖԻՖԱ-ն կվճարի ԱՄՆ-ի մուտքի թույլտվություն չստացած աֆրիկացի մրցավարի աշխատավարձը
16.06.2026 | 14:28
Սոմալին ներկայացնող մրցավար Օմար Արտանը, որը չէր ստացել ԱՄՆ-ի մուտքի թույլտվություն, ՖԻՖԱ-ի կողմից կստանա աշխարհի առաջնության համար նախատեսված ամբողջ հոնորարը, հաղորդում է BBC-ն։
Գումարի չափը դեռ հայտնի չէ։ Մրցավարներն աշխարհի առաջնության հոնորարները ստանում են խաղերի ավարտից հետո։
Օմար Արտանը զրկվել էր ԱՄՆ-ում, Կանադայում և Մեքսիկայում անցկացվող աշխարհի առաջնության հանդիպումները սպասարկելու հնարավորությունից, քանի որ ԱՄՆ մուտքի վիզա չէր ստացել։ Դիվանագիտական անձնագիր ունեցող 34-ամյա մրցավարն օրեր առաջ ժամանել էր Մայամիի օդանավակայան, որտեղից նրան հետ էին ուղարկել։ Դրանից հետո ՈՒԵՖԱ-ն պաշտոնապես հայտնել էր, որ Օմար Արտանը կսպասարկի Եվրոպայի սուպերգավաթի հանդիպումը Չեմպիոնների լիգայի գավաթակիր ֆրանսիական ՊՍԺ-ի ու Եվրոպայի լիգայի հաղթող անգլիական «Ասթոն Վիլայի» միջև։
Օմար Արտանը Սոմալին ներկայացնող առաջին մրցավարն է, որը հնարավորություն էր ստացել սպասարկել աշխարհի առաջնության հանդիպումներ։ 2025 թվականին նա Աֆրիկայի լավագույն մրցավար էր ճանաչվել Աֆրիկայի ֆուտբոլային կոնֆեդերացիայի վարկածով։
