06.10.2026 | 12:37
TRIPP-ի զարգացմանը զուգահեռ սպասվում է Հայաստան–Թուրքիա սահմանի բացում․ Փաշինյան
Թեհրանը հայտարարել է, որ ԱՄՆ-ի հետ համաձայնագրի վերաբերյալ վերջնական որոշում չկա
Քաղաքականություն
12.06.2026 | 10:23
Թեհրանը հայտարարել է, որ Մերձավոր Արևելքի պատերազմը դադարեցնելու համաձայնագրի վերաբերյալ վերջնական որոշում չի կայացրել, չնայած ԱՄՆ նախագահ Դոնալդ Թրամփի պնդմանը, որ համաձայնագիրը կարող է ստորագրվել մի քանի օրվա ընթացքում։
Իրանի ԱԳՆ խոսնակ Էսմայիլ Բաղային ասել է, որ «համաձայնագրի տեքստի մեծ մասը վերջնականացված է, սակայն խնդիրը սկսվել է, երբ ամերիկյան կողմը նոր պահանջներ է ներկայացրել և փոխել է իր դիրքորոշումները»։
Նա հավելել է, որ Թեհրանը «դեռ վերջնական եզրակացության չի եկել համաձայնագրի վերաբերյալ»։
Tasnim լրատվական գործակալությունը նշել է, որ նախորդ երկու ամիսների ընթացքում Թրամփը 38 անգամ հայտարարել է համաձայնագրի անխուսափելիության մասին։
«Քանի դեռ Իրանը չի հայտարարել պոտենցիալ փոխըմբռնման մասին, Թրամփի ցանկացած նորություն այս թեմայով պետք է ընկալվի նույն կերպ, ինչ նրա նախորդ հաղորդագրությունը»,- նշվում է հաղորդագրության մեջ։
Հիշեցնենք, որ ԱՄՆ նախագահ Դոնալդ Թրամփը հայտարարել է, որ չեղարկում է Իրանի դեմ հինգշաբթի գիշերվա հարվածներ։ Նա նաև հայտարարել է «մեծ համաձայնագրի» մասին, որը կարող է լուծել Իրանի հետ պատերազմը՝ ենթադրություն հայտնելով, որ այն կվերջանակացվի առաջիկա օրերին։ Ըստ Թրամփի՝ շուտով, հնարավոր է՝ Եվրոպայում, նախատեսվում է փաստաթղթի ստորագրման արարողություն, որին կմասնակցի փոխնախագահ Ջեյ Դի Վենսը։
Թարգմանությունը՝ Էմմա Չոբանյանի
