06.11.2026 | 13:48
Մեսրոպ Մեսրոպյանի ճեպազրույցը. ՈՒՂԻՂ
ՌԴ ԿԸՀ նախագահը հայտարարել է, թե ռուս դիտորդները ՀՀ ընտրություններում «բազմաթիվ խախտումներ» են արձանագրել
Քաղաքականություն
11.06.2026 | 15:37
Ռուսաստանի Կենտրոնական ընտրական հանձնաժողովի (ԿԸՀ) անդամները, որոնք դիտարկում էին Հայաստանի խորհրդարանական ընտրությունները, հայտնել են բազմաթիվ խախտումների մասին։ Նման հայտարարություն է արել ՌԴ ԿԸՀ նախագահ Էլլա Պամֆիլովան։
«Խախտումներ եղել են, եկեք անկեղծ ասենք, շատ և որոշ սկզբունքային խախտումներ»,- ասել է ռուս պաշտոնյան։
Նրա խոսքով՝ Ռուսաստանի ԿԸՀ անդամ Պավել Անդրեևը ԵԱՀԿ/ԺՀՄԻԳ առաքելության կազմում դիտարկել է Հայաստանում անցկացված ընտրությունները։ Հանձնաժողովի մեկ այլ անդամ՝ Լյուդմիլա Մարկինան, ներկայացրել է ԱՊՀ առաքելությունը։ Աշխատել են նաև Ռուսաստանի մարզերի ընտրական հանձնաժողովների 24 անդամներ։
«Մեր գործընկերները մեզ պատմել են, թե ինչ են տեսել։ Հայաստանը հեռու է գնացել ժողովրդավարական չափանիշներից, չնայած կարծում է, որ պատրաստ է Եվրոպային։ Դա մեր գործը չէ. կարծում եմ՝ Հայաստանի ժողովուրդը կանի բոլոր անհրաժեշտ եզրակացությունները»,- հայտարարել է Պամֆիլովան։
Հիշեցնենք, որ ԱՊՀ դիտորդական առաքելությունը Հայաստանի խորհրդարանական ընտրությունները բաց և մրցակցային էր գնահատել։
Թարգմանությունը՝ Էմմա Չոբանյանի
