08.06.2026 | 16:27
ԲՀԿ-ն վերահաշվարկ է սկսել․ պնդում է՝ կան անհամապատասխանություններ արձանագրությունների և ԿԸՀ-ում նշված տվյալների միջև
ԱՊՀ դիտորդական առաքելությունը Հայաստանի խորհրդարանական ընտրությունները բաց և մրցակցային է անվանել
Քաղաքականություն
08.06.2026 | 12:55
ԱՊՀ դիտորդական առաքելությունը հունիսի 7-ին Հայաստանում կայացած խորհրդարանական ընտրությունները մրցակցային և բաց է անվանել։
«ԱՊՀ դիտորդական առաքելությունը հանգում է եզրակացության, որ ՀՀ Ազգային ժողովի ընտրություններն անցկացվել են Սահմանադրությանը և Ընտրական օրենսգրքին համապատասխան, բազմակուսակցական հիմքով, բաց ու մրցակցային են եղել»,- մամուլի ասուլիսում ասել է առաքելության ղեկավար Նուրլան Սեյտիմովը։
Նրա խոսքով՝ քվեարկությունն անցկացվել է Ընտրական օրենսգրքին համապատասխան, տեխնիկական սարքավորումները, ընդհանուր առմամբ, գործել են սահուն, իսկ ձայների հաշվարկի գործընթացը՝ ընտրական օրենսդրությանը համապատասխան։
«Դիտորդների կողմից արձանագրված առանձին թերությունները տեխնիկական բնույթի էին և անհապաղ շտկվել են տեղամասային հանձնաժողովների կողմից։ Առաքելությունը չի հայտնաբերել որևէ խախտում, որը կարող էր ազդել ընտրությունների արդյունքների վրա»,- հայտարարել է Սեյտիմովը։
Թարգմանությունը՝ Էմմա Չոբանյանի
