28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Փաշինյանին Շենգավիթում «հաճելի ձևերով» դիմավորելու մասին հայտարարած բլոգերն ազատ է արձակվել կալանքից
Հասարակություն
10.06.2026 | 18:26
Շենգավիթ վարչական շրջանում ՔՊ քարոզարշավի օրը ձերբակալված, ապա կալանավորված բլոգեր Արտակ Ավետիսյանն ազատ է արձակվել բանտային կալանքից։ Այս մասին Ֆեյսբուքում գրել է նրա փաստաբան Ռուբեն Մելիքյանը և տեղեկացրել, որ պաշտպանյալի նկատմամբ կիրառվել է վարչական հսկողություն՝ հանրային խոսքի արգելքի պայմանով։
Նշենք, որ բլոգեր Արտակ Ավետիսյանի նկատմամբ հանրային քրեական հետապնդում էր հարուցվել ֆեյսբուքյան տեսանյութում ատելություն, խտրականություն և թշնամանք հրահրող հայտարարություններ անելու համար։
Հիշեցնենք, որ Փաշինյանի՝ Շենգավիթ այցից առաջ Ավետիսյանը տեսանյութ էր հրապարակել, որում ներկայացել էր «շենգավիթցի Արտակ» և հայտարարել, որ սպասում է վարչապետին Շենգավիթում։ «…էդ թռածներիդ կուտոկին հավաքի, արի Շենգավիթ»,- ասել էր նա տեսանյութում։
Նա օգտագործել էր սպառնալից և վիրավորական ձևակերպումներ՝ ասելով, որ վարչապետին Շենգավիթում «հաճելի ձևերով» են դիմավորելու։
Արփի Հակոբյան
