14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Աղքատության հաղթահարման երաշխիքներից մեկն էլ որակյալ կրթությունն է. Արայիկ Հարությունյան. ՏԵՍԱՆՅՈՒԹ
Հասարակություն
27.11.2018 | 15:46
Աղքատության հաղթահարման երաշխիքներից մեկն էլ որակյալ կրթությունն է: Այսօր՝ նոյեմբերի 27-ին նախընտրական քարոզարշավի շրջանակում Ստեփանավանում ունեցած ելույթում այս մասին հայտարարեց ՀՀ կրթության և գիտության նախարարի պաշտոնակատար Արայիկ Հարությունյանը:
Նախարարի պաշտոնակատարի խոսքով՝ իրենց թիմը տեղյակ է ուսուցիչների խնդիրների մասին:
«Մեր կառավարությունը և մեր քաղաքական թիմը երկու օր առաջ ծրագիրը ներկայացնելիս ասել է, հիմա էլ վերահաստատում ենք. առաջիկա տնտեսական փոփոխությունների արդյունքում հենց մեծացան բյուջեի եկամուտները, իսկ դա շատ շուտով է լինելու, մենք այդ միջոցներն ուղղելու ենք մի քանի նպատակների, որոնցից մեկը կրթության և գիտության ֆինանսավորման ավելացումն է»,- հայտարարեց նա:
Խոսելով առաջիկա անելիքների և կրթության ոլորտում բարեփոխումների մասին՝ Արայիկ Հարությունյանը նշեց. «Իհարկե՝ կրթության ոլորտում մեծ բարեփոխումներ անելու համար 6-7 ամիսը քիչ է, բայց այս ընթացքում մեզ հաջողվել է երկու բան. փոխել դպրոցի միջավայրը և լուրջ հիմքեր դնել առաջիկա բարեփոխումների համար»:
Մանրամասները՝ տեսանյութում
