09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Աֆրիկայի լավագույն մրցավարը չի ստացել ԱՄՆ մուտքի վիզա ու չի սպասարկի ԱԱ-2026-ի խաղերը
09.06.2026 | 14:24
Սոմալին ներկայացնող մրցավար Օմար Արտանը չի կարողանա սպասարկել ԱՄՆ-ում, Կանադայում և Մեքսիկայում կայանալիք աշխարհի առաջնության հանդիպումները, հաղորդում է ՖԻՖԱ-ի մամուլի ծառայությունը։
Մրցավարը չի ստացել ԱՄՆ մուտքի վիզա։ Արտանը ժամանել է Մայամիի օդանավակայան, որտեղից նրան հետ են ուղարկել։ Ընդ որում, մրցավարն ունեցել է դիվանագիտական անձնագիր։
ՖԻՖԱ-ի հաղորդագրության մեջ նշված է, որ կազմակերպությունը չի մասնակցում ընդունող երկրում ներգաղթի վերահսկողության ընթացակարգերին, այդ թվում՝ վիզաների հարցերին։
Օմար Արտանը Սոմալին ներկայացնող առաջին մրցավարն է, որը հնարավորություն էր ստացել սպասարկել աշխարհի առաջնության հանդիպումներ։ 2025 թվականին նա Աֆրիկայի լավագույն մրցավար էր ճանաչվել Աֆրիկայի ֆուտբոլային կոնֆեդերացիայի վարկածով։
ԱԱ-2026-ը տեղի կունենա հունիսի 11-ից հուլիսի 19-ին։ Առաջին անգամ աշխարհի առաջնությանը կմասնակցի 48 հավաքական։
